臘腸排骨煲仔飯（附煲出飯焦秘訣）

❤❤❤臘腸排骨煲仔飯❤❤❤

（附飯蕉秘訣及煲仔飯豉油）

天氣凍凍地。整由咀暖到入心煲仔飯。

大人小朋友都喜歡的。

😎難度指數：中至高（着重技巧）

⏰時間使用：煮約20分鐘，（如不計醃時間)

👅食用方式：剷起連飯蕉，加自制豉油

材料：（2人份）
排骨8両切粒（請師傅盡量切細件）
臘腸1條切片
米2杯（160ml）
水2杯

調味料：
~ 醃料A：生粉2茶匙。水1湯匙。
~醃料B：糖 1/2茶匙。酒1/2茶匙。生抽2茶匙。老抽1/2茶匙。胡椒粉少許。
~醃料C：油半湯匙。

煲仔飯豉油：請參考
煲仔飯豉油配方

做法：
1.排骨洗淨用篩隔水半小時。
2.大碗放入排骨和A拌勻，放半小時。
3.加入B拌勻。最後撈入C。待用
(襯有時間切好其他材料，也方便排骨入味)
（有時間醃久點，無時間即煮都得）
4.水滾落米，校到小小火。要用筷子攪下攪下，不能粘底。
5.收水8成，即係見到米發賬，又見到水 pok 時。約5分鐘。
6.放入排骨（盡量放平均）。最少火力再蒸10分鐘。
7.七分鍾之後加臘腸排好
8.時間夠關火。放蔥花。蓋上焗5分鐘。食得

温卿提示：
🤗要燒香飯焦，現在四面燒下（如圖）。
🤗每面最少半分鐘至會有焦。
🤗焗飯亦好重要。攪掂關火唔好即刻食。要焗多5分鐘。祝大家有美味。
🤗今次主要教點煮有蕉既煲仔飯。其實用咩送無所謂。只要係簿身既。十分鐘會煮得熟既材料。
🤗我既 瓦煲底係大又平的。所以唔使四面燒都有足夠飯焦😅
🤗以上是新手做法，零失手。如入廚經驗足夠，建議事前清水浸泡米最少一小時，完全隔乾。煮米水用量減少20-30ml.其他步驟如同，小心火力。此做法飯粒分明爽口。是飯店做法。

 

 

#煲仔飯 #飯 #臘腸 #臘味 #排骨 #肉排 #煲 #煲仔 # 瓦煲